Jenny's profile芯榆飯局PhotosBlogListsMore  |  Tools Help |
|
|
August 13 TJF Blue Mountain Retreat最近好懶,成日掛全煲"歲月風雲",好耐冇update個blog,連兩個禮拜前同團契去Blue Mountain啲相都未得閒load上個blog 度! 終於等到全面放maternity leave,先至的起心乾update番啲野! 兩日兩夜的retreat好開心,可以帶埋Mimi一齊去仲開心,加埋Karen同Noel兩隻jack russell ~Adam 同青青,真係好熱鬧!兩日的早餐一中一西,中式有Noel神早起床煲的愛心雞粥同我跟Karen炒的芽菜仔炒麵,西式有腸仔火腿炒蛋夾多士,晚上有BBQ,都幾豐富架!不過天氣就熱咗D,開行冷氣都仲差DD,熱親我唔緊要,熱親週身毛的Mimi女就唔好啦,難為佢日日霸住個風口透涼唧!!下次去一定揀秋風起,十月應該剛剛好!! June 25 5-dayTrip to Las Vegas終於起程前往年半冇去的拉斯維加斯,  呢處每兩年就有新酒店,新show同新食肆的旅遊勝地!今次的旅程具有雙重意義,除咗慶祝老公生日之外 ,仲有我地相識十周年的重要日子 .雖然每日的氣溫都高達四十幾度 夜晚都有成三十幾度 但好在周圍都係的士,冇熱親腹大便便的我! 五日行程當中一共睇咗四個show,由第一晚的Phantom of the Opera,Celine Dion,Beattle's LOVE至到最後一晚的Barry Manilow都有驚喜,但始終不及每晚豐富的晚餐咁吸引,整個行程起碼重咗五磅,個肚Dum都大得零舍快!完全唔賭錢的我地整個trip訓醒就食,食飽就訓,非常relax! 相信下一次去Vegas不但可以住現正在興建中的文華Mandarin酒店,仲會係三人行添囖!! February 27 Jiji Birthday Trip to N.Y.一連三日的紐約之旅十分休閒,趁Kenneth返工的時間都把握機會隨處逛,Broadway,Soho,5th Avenue等地都俾我行熟哂,臨行前已做好功課應該去邊度邊度,絕冇浪費時間!遇啱NY的天氣好到不得了每日都陽光普照,氣溫亦有零上三,四度,no complaints!而Kenneth呢個紐約通就一早plan定邊度有好嘢食,一放工就返酒店同我會合,一於食食食,雖然短短的三日,已經十分充實! 而其中首選係Megu,呢間有好多荷里活明星出沒的Japanese Fusion Restaurant食物同服務水準都屬一流,實在值得推介.Here it is: http://www.megunyc.com/ 仲有一間位於lower Manhattan名叫Ninja的日本科理又係另一好玩推介.成間Restaurant裝修到成個忍者城堡咁,周不時有D武功高強的忍者出現眼前,連食物的presentation都可以有把戲玩,但食物水準嚴謹,可以話係一個寓食物於探險的theme park restaurant! http://www.ninjanewyork.com/
加埋之前公司同事同TJF的Bros&Sis買比我的生日蛋糕,一共讓我有三次許願的機會,實在太好了,希望我三個願望都能夠實現,我唔貪心,三個就夠了!!! |
|
|
